ಛಲವಿದ್ದವನ ಬಲ

ಹನಿಯಿಂದ ಶುರುವಾಗಿ
ಹೊಳೆಯಾಗಿ ಬದಲಾಗಿ
ಕೊನೆಗೊಂದು ಮಹಾಸಗರವಾಗಿ
ಗುರಿಯನ್ನು ಬೆನ್ನ್ಹತ್ತಿ
ಛಲದಿಂದ ಸಾಗುವನ
ಹಿಡಿದಾವೆ ಅಂಬರದ ನಕ್ಷತ್ರವು?!!

ಕೊಟ್ತ್ಯಾನು ಪುಷ್ಪಗಳ ಅಲಿದಾಡಿದಾ ಜೇನು
ಕೂಡಿಟ್ಟ ಒಂದು ಹನಿ ಮಕರಂದದಿ
ಕಟ್ಟುವುದು ಗೂಡಿಂದ ಜೇನುಗೂಡು
ಶ್ರಮವನ್ನು ಮನೆಮಾಡಿ
ಪಣವನ್ನು ಬಿಡದವನ
ಯಶವನ್ನು ಹುಸಿಯಾಗಿ ಮಾಡುವಿರಾ?!!

ತಿಳಿಯಾಗಿ ಮಾತುಗಳ ಸಾರುತ್ತ ಬಂದಿರುವೆ
ತಿಳಿಯದೆ ಹೋಗದಿರು ಹೇ ಮನವಾ
ಭಯವನ್ನು ಕಂಡಾಗ ಧೃತಿಯನ್ನು ಕೆಡದಿರು
ಕಷ್ಟಗಳು ಒದಗಿದರೆ ಹಿಂತಿರುಗಿ ನೋಡದಿರು
ಶನಿಯಾದಿ ಗ್ರಹಗಳು ಅಪಶಕುನವ ನುಡಿಯಲು
ಕಿಂಚಿತ್ತಾದರೂ ಕುಂದುವುದೇ ಛಲವಿದ್ದವನ ಬಲ?!!